Тыркуем щылажьэщтыгъэ хасэ гупчъэу Кафдер зыфиIорэм иапэрэ тхьэмэтагъэу Хьаткъо Аслъан, непэ, шышъхьэIум и 19-м, дунаем ехыжьыгъ. Джащ фэдэу нэIуасэу иIэхэм фейсбукум къыщатхыгъ.
Мы мазэм иапэрэ мафэхэм Аслъанрэ ишъхьэгъусэу Сузанрэ Адыгэ хэкум къагъэзэжьыгъагъ. Ащ фэгъэхьыгъэу къэбар къэттыгъагъ: adygeway
Адыгэ Республикэм къэзыгъэзэжьыгъэу, чылагъо Iофхэм ахэлажьэу Чэтао Ибрахим Хьаткъо Аслъан фэгъэхьыгъэу, непэ, тхыгъэ фейсбукум къыригъэцуцагъ. Ар мары:
Гъогумаф Аслъан
Хьаткъо Аслъан Tыркуем икъалэу Къараман къыщыхъугъ.ПсэолъэшIынымкIэ инженер сэнэхьатыр зэригъэгъотыгъ.ИныбжьыкIэгъум щегъэжъагъэу иадыгэ лъэпкъ иадыгэ хэку зыгъэлъапIэу уасэ ин афэзышIырэмэ зыкIэ ащыщыгъ.Къызщыхъугъэ къалэм иадыгэ хасэ чъанэу зэрэхэлэжьэщтыгъэм фэшI политическе репрессием хэфагъ,хьапс ашIи мазэ пчъагъэрэ агъэтIысыгъ.Арэу щытми къызэкIэкIуагъэп.Тырку хэгъэгум политическэ репрессиер анахь зыщылъэщыгъэ I980-I990 рэ илъэсхэм Анкара хасэм тхьаматэгъо щызэрихьагъ.Амалэу иIэр зэкIэ адыгэ лъэпкъыр къэухъумэным,зегъэужьыным рихьэлIагъ,гурэ псэрэкIэ илъэпкъ фэлэжъагъ.
Родинэ организацием ишIуагъэкIэ Советски Союзыр щыIэу хэкур зэригъэлъэгъунэу aпэу къэкIуагъэмэ ащыщыгъ.Ащ ыкъынэужьи пчъагъэрэ адыгэ хэкум къэкIуагъ,щыпсэуным пае Мыекъуапи Мафэхьабли унэ щыриIагъ.Анахь гухэлъ инэу иIагъэр иадыгэ хэку къыгъэзэжьэу щыпсэуныр арыгъэ ау ипсэуныгъэмкIэ къыдэхъугъэп.КъызыкIожьыгъэр тхьамафитIу нахь мыхъоу идунай ыхъожьыгъ.
Ишъхьагъусэ Сузан,ыкъо Джэнберк,ыпхъу Жансэт ыкIи иIахьыл гупсэхэм сафэтхьаусхэ.
Тхьам иджэнэт лъапIэр Хьаткъо Аслъан фигъэшъощэнэу сыфелъэIу.
Гъогумаф ти нахьыжь лъапIэу Аслъан.
ТыщыIэфэ утщыгъупщэщтэп.
Comments
Post a Comment