Тыркуем хасэу Кафдер иапэрэ тхьэматэу иIагъэр хэкум къэкIожьыгъ



ЩышъхьэIу мазэм иапэрэ мафэхэм, Тыркуем щылажьэщтыгъэ хасэ гупчъэу Кафдер зыфиIорэм иапэрэ тхьэмэтагъэу Хьаткъо Аслъанрэ ишъхьэгъусэу Сузанрэ Адыгэ хэкум къагъэзэжьыгъ. Джащ фэдэу Каффедым исайт къыщатхы (kaffed.org).

Кафедым ихэсашъхьэ хэтхэм ыкIи иблагъэхэм Аслъанрэ Сузанрэ Истамбыл дэт къохьлъатэ тIысыпIэм къагъэкIотэжьыгъэх.

Аслъанрэ Сузанрэ Адыгэ Республикэм щыпсэущтых.

КъэIогъэн фае, илъэс пчъагъэкIэ узэкIэIэбэжьымэ Тыркуем щыIэ Адыгэ хасэхэм язэпхыныгъэ агъэпытэным пае зы хасэ гупчъэ къызэIуахыгъагъ. Ащ цIэу фашIыгъагъэр Кавказ Дэрнэк (хасэ). ЫтIанэ, мы хасэ гупчъэм ицIэ зэблахъужьи Кавказ Дэрнэк Федерациеу (Каффед) ашIыжьыгъ. 

Адыгэ лъэпкъ Iофлэжьбэмэ мы федерацием цIэу фашIыгъэр ягу рихьарэп. Ахэм зэраIорэмкIэ Кафедым хэт хасэ 60-ри Адыгэх, ащ пае ащ ицIэ Адыгэ (Черкес) Федерацие щытын фае.








Comments