ШышъхьэIум и 16-м, Иорданием щыIэ Адыгэ хасэ гупчъэм илъэс бэрэ итхьэмэтагъэу, зэфэшъхьэф хьыкумэт ыкIи чылагъо IэнатIэ бэмэ аритхьэмэтагъэу Къэрдэн Самир дунаем ехыжьыгъ.
Къэрдэн Самир гъэтхапэм и I5-м, I934-рэ илъэсым къэхъугъ. I97I – I976-рэ илъэсхэм Адыгэ шlушlэ хасэу Иорданием щызэхащагъэм исекретарэу щытыгъ. I990-рэ илъэсым мы хасэм итхьаматэу агъэнэфагъ ыкlи илъэсипшI пчъагъэхэм тхьамэтэ lэнатlэр ыгъэцэкlагъ.
Адыгэхэм яlофхэр сыдигъокlи игунэсхэу, игуузхэу Самир псэугъэ. Игущыlэ уасэ иlагъ, ыlорэм цlыфхэр едэlущтыгъэх, упчlэжьэгъу ашlыщтыгъ. Ыкlи сыдигъуи илъэпкъэгъухэм lэпыlэгъу афэхъущтыгъ.
Comments
Post a Comment