Бэдзэогъум и 21-22-рэхэм, 2022-рэ илъэсым , Жу-Жуцыу бэнэнымкIэ Абудаби изэнэкъокъу зыфиIорэр, Иорданием икъэлашъхьэу Амман щыкIуагъ. Ащ хэгъэгубэмэ ащыщ бэнакIохэр хэлэжьагъэх.
Жу-Жуцыу бзылъфыгъэ зэнэкъокъухэм, илъэс 15 нэс зиныбжьыхэм ыкIи килограм 53 нэс къэзыщэкIыхэрэ купым апэрэ чIыпIыр къыдихыгъ ыкIи дышъэ медалыр къыфагъэшъощагъ, Иорданием щыщ Адыгэ пшъашъэ ныбжьыкIэу Хьэлащтэ (Исхьакъат) Мае.
Мы аужьырэ илъэсыхэм Иорданием щыщ Адыгэ ныбжьыкIэбэ спорт зэфэшъхьафхэм апыхьэхэу аублагъ ыкIи зэнэкъокъухэм чIыпIэ дэгъухэр къыщахьых.
Иорданием Адыгэ 120.000 ехъу щыпсэоу къатхы. Ахэм анахьыбэр къалэхэу Амман, Джэрэщ, Заркъа, къуаджэхэу Уадисир, Науур, Суилыхь ащэпсэух ыкIи нэмыкI чIыпIэхэми ары.
Comments
Post a Comment