Адыгабзэ къабзэкIэ КъумпIыл Муратрэ Шъэумэн Хьазрэтрэ еIэзэныгъэ купхэм зэраIукIагъэхэм итхыдакIэ

 

Мыщ тхыгъитIу ит. Апэрэм мыАдыгабзэу хэтыгъагъэхэм ячIыпIэ Адыгэ гущыIэхэр хэдгъэуцуагъэх. Мы тхыгъэм бэрэ тыпымылъэу, тишъхьэ къызэрихьэу тытхыгъ. МыщкIэ къэтIонэу тызыфаер, АдыгабзэкIэ къабзэ-лъабзэу сытхэщт пIомэ, гущыIэхэр псынкIэу къэбгъотщтых. КIо, мыхэм джыри тэкIу уадэлэжьэн фае ау Адыгабзэр зэрэбаер къегъэлъагъо.

АтIуанэрэ тхыгъэр зытетым тетэу къэдгъэнагъ. Ар Адыгэ макъэр ары къызхэтхыгъэр.

***

Адыгэ Хэгъэгум и хэку-зефэ зычIэт унэм Адыгэ хэгъэгум и ЛIышъхьэу КъумпIыл Муратрэ хэгъэгум и пэщагъэу Шъэумэн Хьазрэтрэ хэгъэгум иеIэзэныгъэ хэку-купхэм япащэхэмрэ яеIэзакIохэмрэ щаIукIагъэх.

А зэIукIэм хэлэжьагъ Урысые Зэгохьэныгъэм и Чылагъо купхэм хэтэу, Урысыем IофшIэ­нымкIэ и ЛIыхъужъэу, лъэпкъ тхакIоу МэщбэшIэ Ис­хьакъ.

Iофтхьабзэр къызэIуихызэ, хэгъэгум и ЛIы­шъхьэ хигъэунэфыкIыгъ уз-зиушъомбгъуныгъэм пэшIуекIогъэным Шъэумэн Хьазрэт иIахьышхо зэрэхишIыхьагъэр.

«Зэпахырэ узым анахь зызщиушъомбгъугъэ лъэ­хъэнэ къиным, псауны­гъэм икъэухъумэн Iэзэгъу уц­хэр, еIэзэныгъэм иIэмэпсымэхэр, зыкъэухъумэжьыгъэным ишIыкIэхэр зы­щы­фимыкъущтыгъэхэм Шъэу­мэн Хьазрэт хэгъэгум ишIогъэшхо къыригъэкIыгъ. Ковид сымэджэщхэр зэтегъэпсыхьэгъэнхэмкIэ, ахэм жь-фапщэм иIэмэпсымэхэр ыкIи нэмыкI­хэр къаIэкIэгъэхьэгъэнхэмкIэ ащ бэ къытфишIагъэр. ИлъэситIум къыкIоцI, зыми илъэIу емыжэу, ежь игукъэкIкIэ хэгъэгум иеIэзэныгъэ хэку-купхэм рублэ минэу-мин 200-м ехъу къафитIупщыгъ», — къыIуагъ КъумпIыл Мурат.

IэпыIэгъу къызэрафэ­хъугъэм пае лъэшэу Шъэумэным зэрэфэразэхэр еIэзэныгъэм иIофышIэхэм къыхагъэщыгъ ыкIи къа­Iотагъ Шъэумэн Хьазрэт иIэпыIэгъу ишIуагъэкIэ сымэджэщхэм зэхъокIыныгъэ инхэр а лъэхъэнэ гумэкIыгъом афашIынхэ зэралъэкIыгъэм фэгъэ­хьыгъэу. Къызэрэхагъэ­щыгъэмкIэ, Шъэумэн Хьазрэт ишIуагъэкIэ еIэзэныгъэм иIэмэпсымэхэр къызIэкIагъэхьан алъэкIыгъэм кIуакIэ къытыгъ ковидым зимыушъомбгъунымкIэ. Непи хэгъэгум щыпсэухэрэм ахэр къызфагъэфе­дэнхэ алъэкIы.

Шъэумэн Хьазрэт къызэгущыIэм IофшIэнэу ха­хыгъэм фэшъыпкъэхэу, зышъхьамысыжьхэу еIэзакIохэм Iоф зэрашIагъэм пае зэрафэразэр къыхигъэщыгъ. Ащ дакIоу къы­Iуагъ игупсэ хэгъэгум ищыIакIэ, ащ игъэхъагъэ­хэм ренэу зызэращигъэгъуазэрэр.

«Шъопсэу ясэIо еIэзакIохэм, щыпхъу-IэзакIохэм, шIухьафшIэхэм— лъэхъэнэ къиным хэгъэгум щы­псэухэрэм игъом IэпыIэгъушхо язытыгъэхэм, ахэм япсау­ныгъэрэ ящыIэны­гъэрэ къэзгъэнэжьыгъэ­хэм», — къыIуагъ Шъэу­мэн Хьазрэт.

Адыгэ хэгъэгум и ЛIышъхьэ икъэгущыIакIу

Лъэгъулъэхэр А. Гусевым тырихыгъэх.

***

Адыгэ Республикэм и Правительствэ зычIэт унэм Адыгеим и ЛIышъхьэу КъумпIыл Муратрэ республикэм и Президентыгъэу Шъэумэн Хьазрэтрэ шъолъырым имедицинэ у

А зэIукIэм хэлэжьагъ Урысые Федерацием и Общественнэ палатэ хэтэу, Урысыем IофшIэ­нымкIэ и ЛIыхъужъэу, народнэ тхакIоу МэщбэшIэ Ис­хьакъ.

Iофтхьабзэр къызэIуихызэ, республикэм и ЛIы­шъхьэ хигъэунэфыкIыгъ пандемием пэшIуекIогъэным Шъэумэн Хьазрэт иIахьышхо зэрэхишIыхьагъэр.

«Зэпахырэ узым анахь зызщиушъомбгъугъэ лъэ­хъэнэ къиным, псауны­гъэм икъэухъумэн Iэзэгъу уц­хэр, медицинэ оборудо­ваниер, зыкъэухъумэжьыгъэным иамалхэр зы­щы­фимыкъущтыгъэхэм Шъэу­мэн Хьазрэт республикэм ишIогъэшхо къыригъэкIыгъ. Ковиднэ сымэджэщхэр зэтегъэпсыхьэгъэнхэмкIэ, ахэм кислородыр, ИВЛ-м иаппаратхэр ыкIи нэмыкI­хэр къаIэкIэгъэхьэгъэнхэмкIэ ащ бэ къытфишIагъэр. ИлъэситIум къыкIоцI, зыми илъэIу емыжэу, ежь игукъэкIкIэ республикэм имедучреждениехэм сомэ миллион 200-м ехъу къафитIупщыгъ», — къыIуагъ КъумпIыл Мурат.

IэпыIэгъу къызэрафэ­хъугъэм пае лъэшэу меценатым зэрэфэразэхэр медицинэм иIофышIэхэм къыхагъэщыгъ ыкIи къа­Iотагъ Шъэумэн Хьазрэт иIэпыIэгъу ишIуагъэкIэ сымэджэщхэм зэхъокIыныгъэ инхэр а лъэхъэнэ гумэкIыгъом афашIынхэ зэралъэкIыгъэм фэгъэ­хьыгъэу. Къызэрэхагъэ­щыгъэмкIэ, Шъэумэн Хьазрэт ишIуагъэкIэ медицинэ оборудованиеу къызIэкIагъэхьан алъэкIыгъэм амал къытыгъ ковидым зимыушъомбгъунымкIэ. Непи республикэм щыпсэухэрэм ахэр къызфагъэфе­дэнхэ алъэкIы.

Шъэумэн Хьазрэт къызэгущыIэм сэнэхьатэу ха­хыгъэм фэшъыпкъэхэу, зышъхьамысыжьхэу медикхэм Iоф зэрашIагъэм пае зэрафэразэр къыхигъэщыгъ. Ащ дакIоу къы­Iуагъ игупсэ республикэм ищыIакIэ, ащ игъэхъагъэ­хэм ренэу зызэращигъэгъуазэрэр.

«Шъопсэу ясэIо врач­хэм, медсестрахэм, санитархэм, волонтер-ме­дик­хэм — лъэхъэнэ къиным республикэм щы­псэухэрэм игъом IэпыIэгъушхо язытыгъэхэм, ахэм япсау­ныгъэрэ ящыIэны­гъэрэ къэзгъэнэжьыгъэ­хэм», — къыIуагъ Шъэу­мэн Хьазрэт.

АР-м и ЛIышъхьэ ипресс-къулыкъу

Сурэтхэр А. Гусевым тырихыгъэх.