Бэдзэогъум и 27-м, Адыгэ Республикэм илIышъхьэу КъумпIыл Муратрэ, Адыгэ Республикэм ипарламент итхьэматэрэ Адыгеир илъэси 100 зэрэхъугъэм фэгъэхьыгъэ джэпсалъэ къызэдашIыгъ (https://adygvoice.ru/).
Джэпсалъэм зи етIуалIэрэп, дахэу тхыгъэ, ау тигу римыхьагъэр джэпсалъэм зэрэчIэтхагъэхэр ары. Ар мыщ фэд:
"Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр"
Шъолъэгъумэ, политкэ партием исекртар гуитхагъ лIышъхьэм. Ар тэрэзэу тлъытэрэп, сыда пIомэ, республикэм илIышъхьэ зыгорэ гобгъэуцонэу щытэп ыкIи ащ фэдэ шIыкIэ республикэм иконституцие итэп. Ащ фэдэ шIыкIэхэм Республикэм илIышъхьэ истатус къерагъэфэхы, нахь цыкIу ашIы ыкIи ар конституцием къекIурэп.
Comments
Post a Comment