Лъытэныгъэ зыфэсшlэу Адыгэ Республикэм щыпсэухэрэр!
Республикэм икъэралыгъо гъэпсыкlэ илъэси 100 непэ мэхъу.
1922 илъэсым бэдзэогъум и 27 Адыгэ автоном хэкур РСФСР-м хэтэу агъэпсыгъ.
Мыр тарихъ мэхьанэ зиlэ хъугъэ-шIагъ, ижъырэ адыгэ чlыгуми, ащ щыпсэурэ лъэпкъхэми ящыlакlэ зэрихъокlыгъ.
Лlэшlэгъу хъурэ гъогум ар ублапlэ фэхъугъ. Илъэсишъэм Адыгеим хэхъоныгъэ инхэр ышlыгъэх, щыlэныгъэм исыд фэдэрэ лъэныкъуи зэхъокlыныгъэхэр фэхъугъэх.
Республикэм щыпсэурэ лъэпкъ зэфэшъхьафхэм ялlэуж пчъагъэхэр мамырэу ыкlи зэгурыIохэу тиреспубликэ щызэдэпсэух, сабыйхэр апlух, шэн-хабзэхэр алъытэх, культурэр аухъумэ. Ыкlи республикэм нахь хэхъоныгъэ инхэр ышlынхэм пае мэлажьэх.
Къэралыгъом ипащэхэр иlэпыlэгъоу Адыгеир ыпэкlэ лъэкlуатэ, президентэу Владимир Путиным къыгъэнафэрэ пшъэрылъхэр егъэцакlэх.
Лъэпсэшlу иlэу къыкlэлъыкlорэ илъэси 100 Адыгеир хахьэ. Илъэс 30 хъугъэ республикэ гъэпсыкlэ зытиlэр, ащ тиамалхэм къахигъэхъуагъ ыкlи ятlонэрэ лlэшlэгъум ащ тетэу тытехьэ.
Адыгеим ихэхъоныгъэхэм апае зэрэлажьэрэм фэшl тиреспубликэ щыпсэурэ нэбгырэ пэпчъ рэзэныгъэ гущыlэхэр фэсэгъазэх. Анахьэу тинахьыжъхэм, республикэм ылъапсэ щытыгъэхэм, сафэраз.
Тихэку икъэралыгъо гъэпсыкlэ илъэси 100 зэрэхъугъэм пае сышъуфэгушlо. Псауныгъэ пытэ, мамыр щыlакlэ шъуиlэнхэу сышъуфэлъаlо!
Адыгэ Республикэм илIышъхьэу КъумпIыл Мурат
Бэдзэогъум и 27, 2022 илъэс (27.07.2022)
Comments
Post a Comment