Мэкъуогъум и 12-м, УФ и мафэ къалэу Мыекъуапэ кушъхьэфачъэмкIэ зэнэкъокъу щыкIуагъ. Ащ хэлэжьагъ Адыгэ Республикэм и ЛIышъхьэу КъумпIыл Мурат ыкIи республикэм ихьыкумтрэ ипарламентрэ ащыщхэр,- джащ фэдэу Адыгэ Республикэм и лIышъхьэ ипресс-къулыкъу къытыгъ.
Республикэм и ЛIышъхьэ зэнэкъокъухэм ахэлажьэхэрэм адэгущыIагъ, гъогу мафэ техьанхэу, ягъогууанэ къафэпсынкIэнэу афэлъэIуагъ.
Мыгъэ нэбгырэ мини 3 фэдиз зэнэкъокъум къекIолIагъ. Урамхэу Пионерскэмрэ Лермонтовым ыцIэ зыхьырэмрэ зыщызэуалIэхэрэм дэжь зэнэкъокъур щырагъэжьагъ. Кушъхьэфачъэм тесхэм Мыекъуапэ иурамхэу Советскэр, Краснооктябрьскэр, Жуковскэр, Первомайскэр, Победэр зэпачыхи, километрэ 20 хъурэ гъогууанэр къакIугъ.
Зэнэкъокъум икIэуххэм атетэу тынхэр текIоныгъэ къыдэзыхыгъэхэм афагъэшъошагъэх. Кушъхьэфэчъэ зэнэкъокъум хэлэжьагъэхэмкIэ анахьыжъыгъэр илъэс 80 иныбжь, анахь цIыкIур зы илъэс иныбжьыгъ.
Comments
Post a Comment