Вэрокъо Ибрагим Адыгэ хэкум апш1эрэ еджапIэм щеджагъ.
Мэзаем и 17-м, Иордание хэгъэгум щылажьэрэ Адыгэ шIушIэ хасэ гупчъэм ихэсашъхьэ мызычэзэу зэхэсыгъо иIагъ. Ар зыфашIыгъэр хасэм итхьэматэу Къардэн Самир тхьэматэ IэнатIэр зэригъэтIылъыгъэм пае.
Къардэн Самир иIэнатIэ зыфыIукIыжьыгъэр хасэм игъэцэкIакIо куп щыщхэмрэ ежьыррэ зэмызэгъыныгъэ IофгорэхэмкIэ азыфагу илъыгъи ары. А купым хэтхэри гъэцэкIакIо купым хэкIыжьыгъэх.
Хэсашъхьэм хэтхэм Вэрокъо Ибрагим хасэм итхьэматэу хадзыгъ. Хасэм итхьэматэ ыкIи гъэцэкIакIо купым хэтыхэр къыхрадзыхэу зыхъукIэ хасэ хэт пстэури хэлажьэх - мин заулэу мэхъух. Ау ащ фэдэу амышIэу хэсашъхьэм хэтыхэм язакъу неIэп мы хэдзынхэм хэлэжьагъэр.
Къардэн Самир 1934 илъэсым къэхъугъ. ИкIэлэгъум къыщегъэжьагъэу къэралыгъо Iоф ыкIи хасэ Iофхэр зэрехьэ.
Comments
Post a Comment