Пасэм чыжьэдэдэу къащыублагъэу мэзцухэр Адыгэ хэкум икъушъхьэ мэзхэм ахэбэгъохьагъэу ахэсыгъ. Адыгэ (Кавказ) мэзыцур псэушъхьэхэм язэгъэшIэн пылъ шIэныгъэлэжьхэм я XIX–рэ лIэшIэгъум иублапIэр ары ныIэп зыфэдэр заушэтыгъагъэр.
Мэзыцухэу Адыгэ мэзхэм ахэсыгъэхэр зэкIэри лъэпсэкIодэу шакIохэмэ агъэкIодыгъагъ. Аужыпкъэрэ мэзыцур 1927-рэ илъэсым къушъхьэтхэу Алоус зыцIэм щаукIыжьыгъагъ.
Мэзыцухэр ти мэз-чIыопс хагъэхъожьыным пае 1940-рэ илъэсым Белорусием ит Беловежьем (Беловежскэ пущэм) хъубгэу къыращыхи ти мэз убытыгъэ шъхьиплI хъурэ (быгъурэ яплIэу) мэзыцу (зубро-бизонхэр) хатIупщхьажьыгъагъ. Ахэр мэзхэм псыкIэу есагъэх, ыкIи Iэхъогъу дэгъу атекIыгъ.
Непэрэ мафэм Адыгэ Хэкум икъушъхьэхэм мэзыцу 300 фэдиз ахэс.
Къызхэтхыгъэр: facebook.com
Comments
Post a Comment