2016-рэ илъэсым цIыфхэм яфэIо-фашIэхэр афэгъэцэкIэгъэнхэмкIэ республикэм имуниципалитетхэм яIофшIагъэхэм кIэухэу афэхъугъэхэр зэфахьысыжьыгъэх.
Илъэсым къыкIоцI къалэхэм, районхэм ащыпсэухэрэм заIуагъакIэхэзэ, яупчIыхэзэ технологие шапхъэхэм ялъытыгъэу, ащ къыдилъытэрэ Iофыгъуи 6-мэ яджэуапхэр зэрагъэшIагъ — транспортым ылъэныкъокIэ цIыфхэм яшIоигъоныгъэхэр зэрагъэцакIэхэрэр, автомобиль гъогухэм язытет зыфэдэр, фабэр, псыр, электроэнергиер, газыр къазэраIэкIагъахьэхэрэм зэригъэразэхэрэр.
УплъэкIунхэу зэхащагъэм икIэуххэр зызэфахьысыжьхэм, транспортым ылъэныкъокIэ цIыфхэм яшIоигъоныгъэхэр анахь дэгъоу зыщагъэцакIэу къычIэкIыгъэр — балли 100 къэзыхьыгъэхэр Адыгэкъалэрэ Шэуджэн районымрэ. Ку гъогухэм язытеткIэ республикэмкIэ анахь баллышхо — 98 — 99-рэ зыфагъэуцугъэхэр Кощхьэблэ районымрэ Адыгэкъалэрэ. Фабэр икъоу ыкIи игъом аIэкIэгъэхьэгъэнымкIэ джыри апэ ишъыгъэхэр Адыгэкъалэрэ Кощхьэблэ районымрэ.
Республикэ уплъэкIунхэм икIэуххэм нафэ къызэрашIыгъэмкIэ, анахь гупсэфэу зыщыпсэухэрэр, апэрэ чIыпIэр зыубытыгъэр Адыгэкъал. ЫпшъэкIэ зигугъу къэтшIыгъэ лъэныкъуихэу уплъэкIунхэр зэрэрагъэкIокIыгъэхэмкIэ пунктитфымкIэ балли 100 ыкIи я 6-мкIэ — гъогухэм язытет закъокIэ — балл 98-рэ къыхьыгъ. ЯтIонэрэ чIыпIэр зыубытыгъэр Тэхъутэмыкъое районыр ары.
Адыгэ Республикэм ипресс къулыкъу
Comments
Post a Comment