Гъэтхапэм и 16-м, Ипшъэрэ Кавказым икъохьэпIэ шъолъырым ушу-саньда бэнэнымкIэ изэнэкъокъу Шъачэ щыкIуагъ. Ипшъэрэ Осетием, Краснодар шъолъырым, Волгоград шъолъырым, Къырым, Адыгэ Республикэм ялIыкIохэр зэнэкъокъум хэлэжьагъэх. Мыекъуапэ щыщхэу гъэсакIоу НэмытIэкъо Аскэр ыгъасэхэрэм апэрэ чIыпIи 8 бэнапIэм къыщыдахыгъ.
Яонтэгъугъэхэм ялъытыгъэу дышъэ медальхэр къэзыхьыгъэхэм шъуащытэгъэгъуазэ: Чэтыхъу СултIан, кг 48-рэ, Лина Вихлянцева, кг 48-рэ, Виктория Чугреева, кг 56-рэ, Кушъу Аслъан, кг 60, Шъэожъ Мэзагъу, кг 65-рэ, Кристина Морозова, кг 65-рэ, Исмелэ Рустам, кг 70-рэ, Этель Чернышева, кг 70-рэ.
Адыгэ Республикэм испорт еджапIэу N 2-м тиныбжьыкIэхэм зыщагъасэ, пащэр Урысыемрэ Адыгеимрэ ягъшIуагъэ гъэсакIоу Хъот Юныс.
Адыгэ Республикэм ипресс къулыкъу
Comments
Post a Comment