Иордание: Адыгэ шIушIэ хасэ гупчъэм игъэцэкIакIо купы цIыфкIэхэр хэхьагъэх, тхьэмэтакIи иIэщт


Щылэ мазэм и 13-м, 2017-рэ илъэсым, Иорданием щыIэ Адыгэ шIушIэ хасэ гупчъэм игъэцэкIакIо куп хэтыщтхэр хэдзыгъэх. Ащ нэбгрэ 15 хэхьагъ. 

Тыгъочэщы хэкIотагъоу макъэхэр апчъыжьыгъэх. Ахэр официалнэу хэдзын комитетым джырэблагъэ къитыжьыщтых. Ау, макъэу апчъыжьыгъэхэм къызэрагъэлъагъорэмкIэ, мы аужьырэ илъэсищым хасэм тхьэматэу иIагъэм, Къэрдэн Самиррэ ыкIи ащ купэу игъусагъэхэмрэ ащыщэу нэбгри 3 неIэп гъэцэкIакIо купым хадзыгъэр. 

Къэрдэным икуп къенэкъокъущтыгъэ куп зэхэтэу "Ирада" зыфиIорэм щыщэу нэбгрэ 12 гъэцэкIакIо купым хадзыгъ. Мы купым япащэр Джанбек Зухди.

Хасэм и устав зэритымкIэ гъэцэкIакIо купым хасэм итхьэматэ хедзыжьы. Макъэу апчъыжьыгъэхэм уаплъымэ, официалнэу къамытыгъэхэ нахьмышIэми, хасэм итхьэматэу гъэцэкIакIо купым къыхидзыжьынэу къэлъагъорэр "Ирадэ" купым ипащэу Джанбек Зухди.

Иорданием Адыгэ мин 100 фэдиз щэпсэу. Адыгэ шIушIэ хасэм официалнэу хэтхэр мин 10-м нахь макI.

Къэбарэр Иорданием щыщ Адыгэ активистхэм фасебукым къыщатхыгъэхэм къахэтхыгъ.




 Джанбек Зухди

 Джанбек Зухди икуп

Къэрдэн Самир

Къэрдэн Самир икуп


Comments