Щылэ мазэм и 25-м, Адыгэ Республикэм и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл Мурат хьыкумэт зэхэсыгъоу щыIагъэм къыщиIуагъ зэфэшъхьэф хьыкумэт IофшIапIэхэм исурэт палъэнэу зэрэфэмыер.
"Республикэм ипащэ исурэтхэр шъуикабинетхэм апышъулъэнэу ищыкIагъэп. Урысые Федерацием ыкIи Адыгэ Республикэм ятамыгъэхэр щыIэх, Урысые Федерацием и Президент исурэтхэр щыIэх. Ахэр икъущтых. Ащ нахьи нахьышIу IофшIэным, цIыфхэмкIэ анахь мэхьанэ зиIэхэм тынаIэ нахь лъэшэу атетыдзэмэ, шIуагъэ къэзымытыщт унашъохэр ищыкIагъэхэп», — къыIуагъ КъумпIыл Мурат.
Ащ дакIоу республикэм и ЛIышъхьэ ипшъэрылъхэр зыгъэцакIэрэм къызэрэпигъэхъожьыгъэмкIэ, хабзэм зэрихьэрэ Iофтхьабзэхэр нафэхэу, цIыфхэм къагурыIохэу щытынхэ фае. ЦIыфхэм шъхьэихыгъэу тадэгущыIэн фае.
Адыгэ Республикэм ипресс къулыкъу
Comments
Post a Comment