Saturday, January 7, 2017

Каффед-м итхьэматэ ТыркуемкIэ "музейхэм ыкIи культурэ кIэныгъэм" итхьэматэ IукIагъ


Щылэ мазэм и 6-м, Тыркуем щылажьэрэ хасэу "Каффед" зыфиIорэм итхьэматэу Хьагъундыкъо Ящар Асланкаерэ "Каффед"-м игъэцэкIакIо куп хэтхэм ащыщхэмрэ ТыркуемкIэ "музейхэм ыкIи культурэ кIэныгъэм" итхьэматэу Курту Ялчин IукIагъэх.

Iофыгъоу зытегущыIагъэхэр, ТыркуемкIэ хы шIуцIэм Iут шъолъырэу Кафкен зыфиIорэм щыIэ къэхалъэр ары. Мы чIыпIэм тинаIэ тет ыкIи щыкIагъэу иIэхэр тгъэцэкIэщтых къыIуагъ Курту Ялчин. 

КъэIогъэн фае, Тыркуем щыпсэурэ Адыгэхэм илъэс къэс Кафкен-м шъыгъо-шIэжь мафэр къыщырагъэкIокIы.  

Къызыхэтхыгъэр: kaffed.org


No comments:

Post a Comment