Хэсэ тхьэматэхэм КАФФЕД-м дырагъащтэ дунае Адыгэ хасэм дэмылэжьэжьынэу


Щылэ мазэм и 22-м, Тыркуем щылажьэрэ зэгохьаныгъэу "КАФФЕД" зыфиIорэм хэт хасэ тхьэматэхэр, къалэу Адана щыIэ Адыгэ хасэм иунэ зэхэсыгъо щыряIагъ. Ащ Iофыгъо шъхьэI 3 щытегущыIагъэх.

Апэрэ Iофыгъор, КАФФЕД-м ихэсшъхьэ Дунае Адыгэ Хасэм дэмылэжьэжьынэу унашъоу ыщтэгъагъэр ары. МыщкIэ, зэхэсыгъом хэлэжьагъэ хэсэ тхьэматэхэр, пстэурии пIомэ хъунэу, а унашъом дырагъэщтагъ.

АтIуанэрэ Iофыгъоу зытегущыIагъэхэр, шъыгъо-шIэжь мафэм  (жъоныгъуакIэм и 21) ыгъэхьазырын. 

Ащанэрэ Iофыгъоу зытегущыIагъэхэр, Сирием щыщхэу, ишъхьэ къезыхьыжьэжьыгъэхэу, къалэу Гази-Интап идэжь Iут кампым щыпсэухэрэр ары. Ахэм яIоф изтет ыкIи IэпыIэгъу зэрафэхъущт шIыкIэхэм тегущыIагъэх.

Зэхэсыгъом нэмыкI Iофхэми атегущыIагъэх. КIэухым, зэхэсыгъор зэрищагъэ тхьэматэр Адана Адыгэ хасэм иныбжь илъэс 50 зэрэхъугъэм пае къафэгушIуагъ ыкIи зэхэсыгъом хэлэжьагъэхэм тхьэегъэупсэу арыIуагъ.

Тыркуем щылажьэрэ Адыгэ хасэхэм ащыщэу, 60 фэдизыр КАФФЕД-м хэтых. 

Къызыхэтхыгъэр: kaffed.org



Comments