Tuesday, December 27, 2016

Адыгэ ныбжьыкIэ боксерым дышъэ медал къыхьыгъ


Тыгъэгъазэм и 25-м, Къэбэртае-Бэлкъар Республикэм щыщ Адыгэ ныбжьыкIэ боксерэу Къушъхьэ Алим, Азарбайджан икъэлашъхьэу Баку щыкIуагъэ ныбжьыкIэ бокс зэнэкъокъум апэрэ чIыпIэр къыщихьыгъ, дышъэ медал къыфагъэшъошагъ.

Къушъхьэ Алим Урысие Федерацием ихэщыпыкIыгъэ купэу хэтэу бэнагъэ. Ар илъэс 17-18 зиныбжь купхэм, 74-рэ килограм нэс къэзыщэчъырэ купхэм ахэтыгъ.

Азарбайджан щыкIуагъэ дунае бокс зэнэкъокъум хэгъэгу 20 ащыщ боксер 160-рэ фэдиз хэлэжьагъ.

Къызыхэтхыгъэр: kbrria.ru


No comments:

Post a Comment