«Адыгэ Лъэпкъ-ГъэкӀодыр тарихъымрэ непэрэ политикэмрэ алъэныкъокӀэ» зыфиӀорэ дунэе конференцие Литвэм ипарламентэу Сеймасым щыкӀуагъ. Ащ фэдэу Адыгэ Хъыеныгъэм (Infocherkessia) ипресс-къулыкъу къеты.
Конференцием ыуж хэгъэгу зэфэшъхьафхэм къарыкӀыгъэ адыгэхэм адыгэ лъэпкъым игеноцид къыдалъытэнэу, лъэхъан кӀыхьэм къыкӀоцӀ адыгэ лъэпкъым зэкъошныгъэ дыряӀэнэу къыщалъэӀурэ тхылъ официальнэу Литвам ратыгъ.
Урысые Федерацием щыпсэурэ адыгэхэм ябзэ, якультурэ, яцӀыфыгъэ лъэшэу зэратеуагъэр; адыгэ егъэджэныр зэпымыоу зэрауушъомбгъурэр; къэгъэзэжьынымкӀэ фитыныгъэр зэпымыоу зэраупэогъурэр; политикэ ушъхьагъухэм апае ныбжьыкӀэхэр зэраужъугъохэрэр, зэраубытыхэрэр конференцием къыщыхагъэщыгъ.
ОСБЕ-м и Ванкувер Декларациерэ ООН-м ирагъэштагъэу чӀыпӀэ лъэпкъхэм яфитыныгъэхэм афэгъэхьыгъэ унашъомрэ адыгэхэм яшъхьэзафэу зызэхащэжьын фитыныгъэ къыдэзыгъэуцохэрэ пкъыгъо шъхьаӀэхэу къыхагъэщыгъэх. Адыгэ лӀыкӀохэм ялъэӀухэр пункти 4-у зэхагъэуцуагъэхэу Сеймым къыфагъэхьыгъэх:
- 1763-рэ илъэсым къыщегъэжьагъэу 1864-рэ илъэсым нэс Урысые империем адыгэхэм арихьылӀэгъэ политикэр геноцидэу къышӀошӀыныр,
- Адыгэхэм ятарихъ хэку къагъэзэжьынымкӀэ, зыухъумэжьынымкӀэ яфитыныгъэ къэушыхьатыгъэныр,
- Дунае уплъэкӀун ыкӀи зэшӀохын Ӏофхэм ӀэпыӀэгъу афэхъугъэныр,
- Адыгэ лъэпкъым политикэ, культурэ, шӀэныгъэ зэкъотыныгъэ дыряӀэным игъэпытэн.
Къыхэгъэщыгъэн фае непэ къызнэсыгъэм къэралыгъуиплӀымэ, Адыгэ Лъэпкъ-ГъэкIодыр къащтагъ. Урысые Федерацием хэт къэралыгъуитӀоу: Адыгэ Республикэмрэ Къэбэртэе-Бэлъкъар Республикэмрэ, къэралыгъо шъхьафитхэу Грузие Республикэмрэ Украинэ Республикэмрэ.
Мащалах Адыгэ уей уей Адыгэхэ псоу
ReplyDelete