Тыгъуасэ, щылэ-мазэм и 8-м, 2024-рэ илъэсым, къалэу Къайсэри (Тыркуе) дэт Адыгэ хасэм зэфэс иIагъ. Iоф шъхьаIэу ащ иIагъэр Къэйсэри хасэр Кавказ Федерацием (КАФФЕД) къыхэнщта хьэуми къыхэкIыжьыщта.
УпчIэ шъхьаIэу зэфэсым иIагъэмкIэ Iэ Iэтын ашIыгъ. Ащ хасэм хэт нэбгрэ 300-м нахьыбэ хэлэжьагъ. Iэ IэтынымкIэ 91 процентым дырагъэщтагъ, Къэйсэри хасэр КАФФЕД-м къыхэкIыжьынэу. Прцент 9 неIэп къыхэнэным зыдыригъэщтагъэр. Джащ фэдэу Къэйсэри щыщ Адыгэ активистхэм фейсбукум къыщатхыгъ.
Активистхэм къызэратхырэмкIэ, нэмыкI Адыгэ хасэхэри КАФФЕДМ-м къыхэкIыжьыныхэу загъэхьэзыры. Астивистхэм яшIошIыкIэ КАФФЕД-м Тыркуем ис Адыгэхэр нэмыкI лъэпкъхэм афэлэжьэнэу Iоф ешIэ. Ащ нэмыкIэу, КАФФЕД-р Адыгэ Дунае Хасэ зыфаIорэм непэ нэс зэрэхэтыр мызафэу алъытэ.
Comments
Post a Comment