ТхэквондомкIэ дунае зэнэкъокъу бэмышIэу къалэу Казань щыкIуагъ. Урысые Федерацием ихэшыпыкIыгъэ куп хэтыгъ Адыгэ Республикэм щыIэ Кощхьэблэ спорт еджапIэм зыщызыгъэсэрэ Вэрэкъо Руслъан.
Зэнэкъокъум къэралыгъо 16 хэлэжьагъ: Казахстан, Туркменистан, Узбекистан, Белоруссиер, Тыркуер, Иран, Киргизиер, Вьетнам, Индиер, Шам, нэмыкIхэри. Вэрэкъо Руслъан зэIукIэгъуи 7 иIагъ, ахэм ащыщэу 6-р къыхьыгъ, ау финалым Киргизием илIыкIо къыщытекIуагъ.
Илъэс 12 — 14 зыныбжь кIалэхэр зыхэт хэшыпыкIыгъэ купхэм язэнэкъокъу Урысые Федерацием ятIонэрэ чIыпIэр щиубытыгъ. ХагъэунэфыкIырэ чIыпIэр къыдэзыхыгъэхэм Руслъани ащыщ.
Comments
Post a Comment