ШIэкIогъум и 24-м, Либием щыпсэурэ Адыгэхэм, къалэу Мысрата зэфэс щыраIагъ. Ащ пшъэрылъ шъхьаIэу иIагъэр, Либием щыпсэурэ Адыгэхэм язэпхыныгъэ ыкIи язэдэлэжьэн гъэпытэгъэныр ары.
Либием щыпсэурэ Адыгэхэр, Мысырм щыщ Адыгэ мамлукхэм къатекIыгъэх. 1811 илъэсым, ахэр Мысырым къикIыхи Либием кIощынхэ фае хъугъагъ. Ар ащ фэдэу зыфэхъугъэр, Мысырым Тырку пэщакIэу фэхъугъагъэр Мухьамэд Али паща къапыеу щытыгъ.
Зэфэсым ыгъэхьэзырын ахъщэу тефагъэр Либием щыпсэурэ Адыгэ бизнесменхэм къатыгъ. Зэфэсым Либием щыпсэурэ Адыгэхэм язэпхыныгъэхэр гъэпытэным тегущыIагъэх ыкIи унашъохэр ащтагъ: Джырэблагъэ Хасэ официалнэу зэхащэнэу, экономикэ-чылагъо IофыхэмкIэ зэдэIэпыIэжьыщтых ыкIи нэмыкI лъэныкъохэмкIэ язэпхыныгъэ агъэпытэщт. Зэфэсым, спорт зэнэкъокъухэр ыкIи кулътурэ къэгъэлъэгъонхэр щыIагъэх.
Либием Адыгэ мин 200 нахьыбэ щэпсэу. Ахэм Адыгабзэр ашIэжьырэп, ау мы аужьырэ илъэсыхэм Адыгэ Iофхэм чанэу дэлажьэхэу аублагъ. Мы зэфэсыми ар къегъэлъагъо. Нахьыбэу зыщыпсэухэрэр къалэхэу Мысрата, Бэнгъази ыкIи Тараблыс.
Comments
Post a Comment