Тыгъэгъазэм и 2-м щегъэжьагъэу и 4-м нэс Адыгэ Республикэм и Лъэпкъ театрэу Цэй Ибрахьимэ ыцIэ зыхьырэм адыгэ культурэм ия X-рэ Дунэе фестиваль щыкIуагъ. IэкIыб хэгъэгухэм ыкIи Урысые Федерацием ишъолъырхэу адыгэхэр зыщыпсэухэрэм культурнэ зэпхыныгъэ адэшIыгъэным мы зэхахьэр фэлажьэ.
Къэбэртэе-Бэлъкъарым, Къэрэщэе-Щэрджэсым, Адыгэ Республикэм, Темыр Осетием, Краснодар краим ыкIи адыгэхэр нахь жъугъэу зыщыпсэухэрэ IэкIыб хэгъэгухэм якупхэр фестивалым хэлэжьагъэх.
Фестивалым Адыгэ Республикэм и Лъэпкъ музейм ыкIи къокIыпIэм щыпсэурэ лъэпкъхэм якъэралыгъо музеим и Темыр-Кавказ къутамэм якъэгъэлъэгъонхэр щыIагъэх.
Адыгэ Республикэм къэралыгъо гъэпсыкIэ зиIэр илъэси I00 зэрэхъугъэм фэгъэхьыгъэ Iофтхьабзэу культурэмкIэ Адыгэ Республикэм и Министерствэрэ лъэпкъ кульурэмкIэ Гупчэмрэ рагъэкIокIыхэрэм мы фестивалыр ащыщ.
Comments
Post a Comment