Филм-зэгъэфакIоу, Урысые Федерацием ифилм-зэгъэфакIохэм я зэгохьэныгъэ хэтэу Нэгъэплъэ Аскэрбый зипэщэ купэу Адыгэ Республикэм икIыгъэм документальнэ фильмэу «Адыгэхэр (Черкесхэр) дзэкIолIых ыкIи IэпэIасэх» зыфиIорэр IэкIыбым щытырахы.
Мысыр къэралыгъом и Лъэпкъ Дзэ музей, Адыгэ (черкес) мамлук султанхэм (бурджитмэ) я пытапIэ, Пирамидэу Гизэм ыкIи Каир АрхеологиемкIэ имузей видеохэр ащашIыгъэх. Ащ нэмыкIэу, Иорданием икъэлашъхьэу Амманрэ Тыркуем ит къалэу Стамбулрэ видеохэр щытрахыщт,- Джащ фэдэу Адыгэ Республикэм культурэмкIэ и Министерствэ ипресс къулыкъу къетхы.
Фильмыр зэратхыгъэм елъытыгъэу Адыгэ султанхэу Мысыр иIагъэхэм яятIонэрэ тетыгъоу I382-м щегъэжьагъэу I5I7-рэ илъэсхэм къыхиубытэхэрэм ятхыдэ къыраIотыкIыщт.
Филм компаниеу «Черкесия-Фильм» зэхэзыщэгъэ Нэгъаплъэ Аскэрбый иапэрэ фильмэу «Черкесия» зыфиIорэр 2007-рэ илъэсым къыдэкIыгъагъ, ащ къыкIэлъыкIуагъэх фильмхэу: «Черкесия. Адыгэ Хабзэр», «Черкесия. Хымэ хэгъэгухэр», «Черкесия. Къэкощыжьыныр», «Черкешенка», «Щагъдый», «Щабзэм пэбыбырэр», «ГукIэгъум илIыгъэ» зыфиIохэрэр.
Comments
Post a Comment