ШышъхьэIум и 21-м, къэбар гухэкIышхо къытыIэкIэхьагъ. Къэбэртае-Бэлкъар республикэм щыщ Адыгэ лъэпкъ Iофлэжьэу Шэшэн Муlэед дунаем ехыжьыгъ.
Муlэед Адыгэ Iофхэм чанэу ахэлэжьыщтыгъэ ыкIи лIыгъэ хэлъэу Адыгэ лъэпкъым иIоф шъхьаIхэм къатегущыIэщтыгъ ыкIи адэлэжьэщтыгъ. ЗдэкIуагъэм тхьэм гупсэфэу щешI.
Алыдж Алик ШащIэ Шэшэн Муlэед фэгъэхьыгъэу тхыгъэ фейсбукум къыригъэуцуагъ. Ар мары:
Шэшэн Муlэед лэжьакlуэшхуэт, щlэныгъэ лъагэ иlэт, адыгэпсэ lутт. Иджыпсту тет фендум Конституцэр ихьуэжыну къыщиlэтам сэри мыарэзыхэм сахэтти, уэрамым стетт. Мылицэхэр къызбгъэдыхьауэ сыральэфэжьэну Муlэед кърихьэлlат. Ар мылицэхэм зы къаруушхуэ гуэр хэлъу епсальэрти си гугъу къамыщlыну - сигу ихужынкъым зэи - лъэпкъым хуэлажьэу и гъащlэр ихьащ. Илъагъут щlэн хуеймрэ зэрыщlын хуеймрэ. Тактикт, къызэгъэпэщакlуэт, lуэхум и кlуапlэр илъагъут.
Мы къытеувам Хасэ lуэхур зэхуригъэщlыну унафэ къыщриутlыпщхьэхам, власт зыlыгъ lужахэхэм Хасэ lэрыкl и щхьэм мэл тету, мча lэрыпl къызэрагьэпэщауэ нобэми зэхэтщ, властым жиlэр хуагъэдахэу, бэм зыкlи япымыщlауэ щхьэ бжыгъэ пlэ нэщlу.
Ар къалъытэри координационнэ совет адыгэ лъэпкъым ейуэ къызэрагъэпэщауэ щытат Къалмыкъ Жылэбий мыгъуэр я нэхъыжьу, ауэ советым хэтхэм псоми я псалъэмрэ, я гупсысэмрэ щыпхыкlыу. Абы Муlэед и гуащlэ хэлъащ. Жылэбий мыгъуэр дунейм щехыжым Советыр зэхуэсщ, лъэпкъым и лlыкlуэ нэхъыжьхэр кърашалъэри нэхъыжь хахыжыну къыхалъхьащ. Сыщыгугъат Mylэед трагъэувэну икlи хуэфащэт, ауэ езым Бещто Аслъэн къихилъхьэри трагъэувауэ щытащ. Ноби а къызэгъэпэщыныгъэрщ лъэпкъым хуэлажьэ гупу диlэжыр, Хьэтэжьыкъуэ Валерэ хуэдэ закъуэ-тlакъуэм я гугъу умыщlмэ. Хьэмэрэ Багъ Марьянэ е 14-нэ школым къакъуиха щыщlэныгъэм кърикlуа псальэмакъыр. Ар зезыгъэкlуахэм я пашэхэм я щыщт Муlэед. Мрьян и уэчылу щытащ. Дэ ди къэралзехьэ къулыкъущlэхэр мыхьэнэншэщ. Ищхьэмкlэ жьы къыщепщамэ здепщэмкlэ зрагъэбэнущ, мыхъу лъэпкъ и псалъэ, и напэ дохъумэ жаlэн дэнэ къэна ягу къэкlыххэкъым. Адыгэбзэкlэ зэрырагъаджэ учебникхэр типографием мазэ бжыгъэкlэ щlэлъащ. Мыр къащыгъупща защlу школхэм намыгъэсыну арат. Апхуэдэ "хьэл" яlэщ империем и ставленникхэм. Муlэедрэ Валерэрэ мыхъуамэ а тхылъхэр къащыгъупща защlри мазэ щы-тlу щlагъэлъри куэншыбым хадзэжат.
Куэд, куэд дыдэ бгъуэтынущ Муlэед илэжьахэм я щыщу иджыпсту гуауэм щхьэм илъхэр щlихъумами.
Демократием и хабзэхэр и гъуазэу Муlэед лъэпкъым хуэлэжьа лlыт.
Хьэдрыхэ хабзэ гуэр щыlэм фlым хуишэну сыхуолъаlуэ!
Comments
Post a Comment