Илъэс къэс, Иорданием ит къалэу Джэращ культурэ фестивалышхо щэкIо. Ащ зэфэшъхьэф лъэпкъэхэр ыкIи зэфэшъхьаф хэгъэгухэм ащыщхэр хэлажьэх.
Иорданием щыIэ Адыгэ къэшъуакIо купхэри мы фестивалым хэлажьэх. Мыгъэ ащ хэлэжьэщтыр Адыгэ къэшъуакIо купэу "НыбжьыкIэхэр" зыфиIорэр ары. Ащ иконцерт шышъхьэIум и 3-м, пчъыхьэм сыхьатэ 20.30-м рагъэжьэщт.
Иорданием щыIэ Адыгэ ныбжьыкIэ хасэм "НыбжьыкIэхэр" икъэшъуакIо купэу щыт. Ащ концертым еплъынхэу фаехэм апае автобусхэр къиубытыгъэх. Ахэр къалэу Амман дэкIынхышъ къалэу Джэращ цIыфхэр нагъэсыщтых ыкIи концерт нэужьым къащэжьыщтых.
Comments
Post a Comment