Мыекъуапэ ипащэу Генади Митрофанов щэн-щэфэн чIыпIэхэр къеплъэхьых
Адыгэ Республикэм и ЛIышъхьэу КъумпIыл Мурат пшъэрылъ зэрафишIыгъэм тетэу уасэхэм якъызэтеIэжэнкIэ Iофыгъо гъэнэфагъэхэр республикэм щызэрахьэх.
Мы илъэсыр къызихьагъэм щегъэжьагъэу щэн-щэфэн чIыпIэ (ярмарка) 150-м ехъу Адыгеим щызэхащагъ. Ахэм уасэхэр нахь пыутыу гъомылапхъэхэр ащащэх. Уасэхэр къаIэты зэрэмыхъущтыр псэушIакIохэм агурагъаIо.
Адыгэ Республикэм и ЛIышъхьэ пшъэрылъ къыгъэуцугъ чылэ-къалэ пэпчъ щэн-щэфэн чIыпIэхэр цIыфхэм афызэхащэнхэу, уасэхэм зыкъамыIэтыным гъунэ лъафынэу, нахьыбэрэ щэн-щэфэн чIыпIэхэр Мыекъуапэ щыIэнхэу.
«ПсэушIэр (экономикэр) чIыпIэ къин зыщыт лъэхъаным Мыекъуапэ дэсхэм IэпыIэгъу афэхъугъэным тегъэпсыхьагъэу къэкIощт тхьамафэм къыщегъэжьагъэу мэфэзакъоми, тхьаумафэми щэн-щэфэн чIыпIэхэр зэхащэхэзэ ашIыщт. КъэлэдэсхэмкIэ ар Iэрыфэгъу хъущт, нахь пыутэу гъомылапхъэхэр къащэфын алъэкIыщт», — къыIуагъ къалэу Мыекъуапэ ипащэу Генади Митрофановым.
Comments
Post a Comment