Гъэтхапэм и 26-м, 2022-рэ илъэсым, Сирием чылагъо Iофыхэм иминисрэрэ Сирием щылажьэрэ Адыгэ хасэ гупчъэмрэ яегъэжьэнкIэ, Адыгэ сурэтшIэ ныбжтыкIэу Махди Щаркэс сурэтэу ышIыгъэхэм афэгъэхьыгъэ къэгъэлъэгъон Дэмаск дэт хасэ унэ щыкIуагъ.
Къэгъэлъэгъоным цIыфыбэ къекIолIагъ, хьакIэхэр, хасэм хэтхэр, ТВ-Радиохэм ащыщ журналистхэр ыкIи нэмыкIхэр. Къэгъэлъэгъоныр къызэдыIуахыгъ хасэ гупчъэм итхьэматэу Шорэ Гасанрэ художникэу Закарие Фаделрэ.
Махди Щаркэс кIэлэ ныбжьыкI, илъэс 17 иныбжьэр. Ащ зэфэшъхьаф сурэтхэр ешIых, кIэлэцыкIу филымхэм ахэтхэр, цIыфэу зэлъашIэхэрэр, анимешин филымхэм ахэтхэр ыкIи нэмыкIхэр.
Адыгэ хасэ гупчъэм игъэцэкIакIо-куп хэтэу Хъун Динэ къызэриIуагъэмкIэ, къэгъэлъэгъоным пшъэрылъ шъхьаIэу иIэр, ныбжьыкIэу искуствэм пылъхэм зыкъагъэIэтыгъэныр ыкIи хэхъоныгъэхэр ашIыгъэныр ары.
Адыгэ зэхахьэхэм зэрэяхабзэу Адыгэ джэгуи къырагъэкIокIыгъ.
Къэбарэр къызхэтхыгъэр Сирием щыIэ Адыгэ хасэ гупчъэм фейсбукум щыриIэ нэкIубгъур ары.
Художникэу Закарие Фаделрэ хасэ гупчъэм итхьэматэу Шорэ Гасанрэ къэгъэлъэгъоныр къызэдыIуахы
Махди Щаркэс (гузэгум ит) журналистым дэгущыIэ
Шорэ Гасан журналистым дэгущыIэ
Хъун Динэ журналистым дэгущыIэ
Comments
Post a Comment