Гъэтхапэ и 18-м (2022), бэрэскэшхо мафэм, Иорданием щыIэ Адыгэ клубэу "Ал-Ахли" зыфиIорэм испорт гупчъэу "Мэйдан" шъхьафит бэнэнымкIэ зэнэкъокъу щыкIуагъ. Ащ цIэу фашIыгъэр "шъхьафит бэнэнымкIэ Кавказым изэнэкъокъу (чемпионат)". КIэщакIоу фэхъугъэр Иорданием спорт бэнэным ифедерацие.
Зэнэкъокъум бэнакIохэр лъэщэу щызэбэныгъэх ыкIи лъэгапIэ дэгъу зэрэнэсыгъэхэр къагъэлъэгъуагъ. Ахэр клуби 5 щыщых: Адыгэ клубэу "НыбжьыкIэхэр", Мэйдан, Тулам, Гладятор ыкIи Кавказ. Псэтэури зэхэтэу бэнакIо 36-рэ хэлэжьагъ.
Чемпионатыр зигъэхьазырыгъэхэм ыкIи хэлэжьагъэхэм тхьэ егъэпсэух атэIо.
Къэбарэр зигъэхьэзырыгъэр: Иорданием щыIэ Адыгэ ныбжьыкIэ хасэ.
Comments
Post a Comment