Интернет порталэу санатории-россии.рф зыфиIорэм ышIыгъэ уплъэкIуным икIырэ илъэсэу 2021-м Темыр Кавказым ишъолъырхэм ащыщэу нахь цIыфыбэ зигъэпсэфыпIэхэм къякIолIагъэхэр къыхигъэщыгъэх.
Порталым къызэритыгъэмкIэ, Адыгэ Республикэр ыкIи ащ изыгъэпсэфыпIэхэр зекIохэм бэрэ къыхахыгъэхэм ащыщых, цIыф пчъагъэу ахэм защызыгъэпсэфыгъэхэмрэ зипсауныгъэ щызыгъэпытагъэхэмрэ ялъытыгъэу апэрэ чIыпIищым хэфагъ.
Аужырэ илъэситIум коронавирусым ыпкъ къикIыкIэ цIыфхэм икъоу замыгъэпсэфыгъэми, къэзыкIухьагъэхэм къыхахыгъэ чIыпIэхэр ежьхэм агу рихьыхэрэр ары. Ахэм Адыгеири ахэфагъ, Темыр Кавказым ящэнэрэ чIыпIэр щиубытыгъ.
Comments
Post a Comment