2022 илъэсым, Адыгеир зызэхащагъэр илъэси 100 хъугъэ. Ар республикэмкIи, ткъош республэкэхэмк Iи Къэбэртэе-Бэлъкъарым, Къэрэщэе-Черкесым ык Iи шъолъырыхэу Краснодарым Ставрополым ащыпсэухэрэмкIи мэхьанэшхо зиIэ мэфэкI.
Илъэсишъэ зэрифэшъуашэу пэгъокIыгъэным фэшI мы илъэсыр шIуагъэ къэзытырэ IофыгъохэмкIэ рагъэкIокIыщт. Ар зэшIохыгъэным пае Урысые-Федерацием ипащэхэр республикэм IэпыIэгъу къызэрэфэхъухэрэр Адыгэ республикэм ил Iышъхьэу Къумп Iыл Мурат къыIуагъ.
Ащ дакIоу лъэпкъ проектхэм, унэе ыкIи къэралыгъо программэхэм ягъэцэкIэнкIэ министрэхэм пшъэрылъ гъэнэфагъэхэр афишIыгъэх. Экономикэм, социальнэ Iофыгъохэм алъэныкъокIэ республикэм зэшIуихынэу къыпыщылъыр бэ. Ахэм зэкIэми зэфэдэу мэхьанэшхо яI. 2022-рэ илъэсым мыщкIэ IофшIэныр нахь агъэлъэшыщт.
Comments
Post a Comment