Чъэпыогъум и 13-м щегъэжьагъэу и 18-м нэс, илъэс 16 – 18 зыныбжьхэм самбэмкIэ ядунэе зэнэкъокъу Грецием щыкIуагъ. Ащ хэгъэгу 26-рэ зэIукIэгъухэм ахэлэжьагъ.
Адыгэ Республикэм самбэмкIэ испорт еджапIэ зыщызыгъэсэрэ Хьакъуй Амир килограмм 71-м нэс къэзыщэчыхэрэм якуп щыбанагъ ыкIи дышъэ медаль къыхьыгъ.
Хьакъуй Амир зэIукIэгъуи 4 иIагъ. Америкэм, Армением ыкIи Украинэм къарыкIыгъэхэм атекIуагъ. Финалым Молдавием щыщ бэнакIом текIуагъ.
Хьакъуй Амир Пщыкъуйхьаблэ къыщыхъугъ. ИгъэсакIохэр Гъомлэшк Алыйрэ Делэкъо Адамрэ.
Comments
Post a Comment