Адыгэ Республикэм и ЛIышъхьэу КъумпIыл Мурат ныбжьыкIэхэм язекIо зэхахьэ хэлэжьагъ. Ар Урысые Федерацием и Къэралыгъо нып и Мафэ тефэу зэхащагъ. Коронавирус узыр зэрэщыIэм ыпкъ къикIэу Iоф-гъэпсыгъэр нахь агъэкIэкIыгъ.
ЗекIо зэхахьэ хэлэжьагъэхэр къуаджэу Хьаджыкъо (Каменномостск) щыIэ «Хьаджыкъо тIокIэ зэжъум» щырагъажьи, псыефэхэу сырыф (Руфабго) зыфиIорэм нэсыгъэх. КъакIугъэм икIыхьагъэ километри 6 фэдиз мэхъу. Илъэси 100-м ехъу зыныбжь Адыгэ (черкес) чъыгхатэхэм къахиубытэрэ пхъэшъхьэ-мышъхьэ чъыгхэр ныбжьыкIэхэм къаплъыхьагъэх. Нэужым псыхъоу сырыф екIолIагъэх ыкIи ащ ехыхи, псыкъефэхыхэр зэрагъэлъэгъугъэх.
ЗекIоныр рагъэжьэным ыпэкIэ республикэм ипащэ шIуфэс гущыIэхэмкIэ кIалэхэм закъыфигъэзагъ. НыбжьыкIэ кIотэныгъэм хэхъоныгъэ ышIыным республикэм мэхьанэшхо зэрэщыратырэр КъумпIыл Мурат ипсалъэ къыщыхигъэщыгъ.
Республикэм и ЛIышъхьэ зэрилъытэрэмкIэ, ныбжьыкIэхэр зэгурыIонхэм, ахэм азыфагу илъ зыкIыныгъэр гъэпытэгъэным, ащ дакIоу Адыгэ республикэм ипащэхэм ягъусэхэу гъэсэныгъэмкIэ, спортымкIэ, экономикэмкIэ, нэмыкI лъэныкъохэмкIэ щыIэ проектхэр щыIэныгъэм щыпхырыщыгъэнхэм мы Iоф гъэпсыгъэр афэIорышIэ.
Comments
Post a Comment