Сурэтым итыр: ТIэшъу Светлан - тезхыгъэр: Александр Никонов, Советская Адыгея
Мы аужьырэ мазэхэм, гулъыптэу, Адыгэ республикэм и ТВ-Радио АдыгабзэкIэ къатынхэр нахь макIэ хъугъэ. ЫтIанэ, а макIэу къатыхэрэми уахътэу къызыщатыхэрэр къыбгурымыIонэу щытых, УрысыбзэкIэ къэтынхэмрэ АдыгабзэкIэ къэтыныхэмрэ зэхэзээрыхьагъэхэу къатых.
ГущыIэм пае, мары, Адыгэ хэхэсмэ афэгъэзагъэ радио къэтыныр мэзэ заулэ хъугъэу къатыжьырэп. Мы къэтыным зы сыхьат ихьыщтыгъэ. Ар тхьэмафэм щэ къашIыщтыгъ, АдыгабзкIэ, АрапыбзэкIэ ыкIи ТыркубзэкIэ. Джащ фэдэу нэмыкI ТВ-Радио къэтынхэри щагъэзиягъэх е якIыхьэгъэ нахь макIэу ашIыгъэх.
Адыгэ республикэм АдыгабзэкIэ ТВ-Радио чэщи-мафи мэлажьэу иIэнэу щытнахь, дакъитф-дакъипшъ ныкъо-сыкъо къэтынхэрэп иIэнэу щытыр. Мы Iофыр республикэм ихьыкумэт зэшIуихынэу пшъэрылъ телъ. Мылку икъоу республикэм имыIэмэ, ащыгъум, дунаем щыпсэурэ Адыгэ пстэури къадэIэпыIэнэу зафырагъэгъаз.
Адыгэ Сайт
12.08.2021
Comments
Post a Comment