Адыгеим ипащэу Къумпlыл Мурат Беларусием зэрэдэжьэщтхэмкlэ гухэлъхэр бэдзэогъум и 1 къыlотагъ.
Урысыем ыкlи Беларусием яшъолъырхэм я VIII форум Къумпlыл Мурат хэлэжьагъ. Шlэныгъэм ыкlи техникэм алъэныкъокlэ зэдэлэжьэныгъэм нахь шъхьаlэу ащ щытегущыlагъэх.
Урысыем ипрезидентэу Владимир Путиныр, Беларусь ипрезидентэу Александр Лукашенкэр ыкlи нэмыкl хэбзэ lофышlэ инхэр форумым щыlагъэх.
Адыгеим ипащэ ипресс-къулыкъу къызэрэхигъэщыгъэмкlэ, Адыгеимрэ Беларусиемрэ щэн-щэфэнымкlэ ыкlи экономикэмкlэ зэфыщытыкlэ пытхэр яlэ хъугъэх. lэкlыб щэнымкlэ республикэм игупчэ бизнес-зэlукlэхэр зэхищагъэх, Адыгэ консервышl хъызмэтшlапlэм къыдигъэкlырэр дунэе къэгъэлъэгъонэу «БелАгро-2021» хэлэжьагъ.
Адыгеим илlышъхьэу Къумпlыл Мурат къызэриlуагъэмкlэ, къэралыгъохэм язэдэлэжьэныгъэ ыкlи экономикэмкlэ зэпхыныгъэхэр гъэлъэшыгъэным апае Адыгеим иминистрэхэм я Кабинетрэ Беларусь иправительствэрэ зэзэгъыныгъэ зэдашIыным иlофхэр рагъэжьагъ.
Тизэдэлэжьэныгъэ пае гухэлъхэр дгъэнэфагъэх, щэн-щэфэным, экономикэм, шlэныгъэм, технологиехэм, социально - культурэм ахэр афэгъэхьыгъ", - къыlуагъ Адыгеим илlышъхьэу Къумпlыл Мурат.
Comments
Post a Comment