Урысые Федерацием щынэгъончъэнымкlэ исовет исекретарэу Николай Патрушевыр Адыгеим къызэкlом республикэм ипащэу Къумпlыл Мурат зэlукlэгъу дыриlагъ.
Зекlоным тегъэпсыхьэгъэ чlыпlэхэр терроризмэм щыухъумэгъэнхэм тегущыIагъэх. Джащ фэдэу республикэм исоциальнэ ыкlи экономикэ хэхъоныгъэхэм, гъомылэпхъэ щынэгъончъагъэм ягугъу ашlыгъ.
Цlыфхэм, щыlэныгъэм епхыгъэ псэуалъэхэм яухъумэнкlэ пшъэрылъ шъхьаlэхэр, шъолъыр пащэхэр ащ зэрэхэлэжьэщтхэр Николай Патрушевым къыгъэнэфагъэх.
Федеральнэ пащэхэм къагъэуцугъэ пшъэрылъхэр агъэцэкlэнхэм пае республикэм щызэшlуахырэ lофыхэр УФ-м щынэгъончъэнымкlэ исовет исекретарь Къумпlыл Мурат фиlотагъ.
Comments
Post a Comment