Ошlэ-дэмышlэ lофхэмкlэ комиссием изэхэсыгъо Краснодар краим игубернаторэу Вениамин Кондратьевым Шъачэ щишlыгъ.
Хыуае къэхъун зэрилъэкlыщтыр бэдзэогъум и 2 щегъэжьагъэу къатыщтыгъ. Ыкlи ар шъыпкъэу къычlэкlыгъ. Губернаторым къызэриlуагъэмкlэ, хыуае жьыбгъэ, ощхышхо ыкlи ошъу Хы Шlуцlэ lушъом, Цlэмэз, Славянскэ районым ащыlагъ.
"Анахь хьылъэу зэкlэ зыщыхъугъэр Шъачэ. Чэщ реным ощх къещхыгъ. Адлер, Хостэ ыкlи Псышъуапlэ районхэм япсыхъохэр янэпкъыхэм къадэкlыгъэх. Гухэкl lоф тимыlэным пае, сыд фэдэ хъугъэ-шlагъи тыфэхьазырын фай. Псыр къызкlэхьагъэхэр, ищык1агъэ хъумэ зырэдгъэкощыщтхэм, мэфищым афэхъущт гъомылапхъэр зыдэтщэщтхэ чlыпlэм щыlэу зыфэдгъэхьазырын фай", - къыlуагъ Вениамин Кондратьевым.
Comments
Post a Comment