Бжыхьэсэ фышъхьэ лэжьыгъэхэм ыкlи рапсым иlожьын ыгузэгупlэ республикэм ичlыгулэжьхэр къэсыгъэх. Джырэкlэ рапсым иlухыжьын аухыгъэу, бжыхьэсэ коцым иугъоижьын дэлажьэх. Ом изытет къызэlэмыхьэмэ, lоныгъошхор къэблэгъэрэ мэфи 10 - 14 аухыщт.
Блэкlыгъэ тхьэмафэм ыкlэм Адыгеим илlышъхьэ lоныгъор зэрэкIорэр зэригъэлъэгъугъ. Бжыхьэ фышъхьэ лэжьыгъэхэр чlыгу гектар мини 107 мыгъэ республикэм щашlэгъагъ.
Мэкъумэщ хъызмэтымкlэ Адыгэ Республикэм иминистерствэ къызэритырэмкlэ, бэдзэогъум и 17 ехъулlэу бжыхьасэ чlыгу гектар мин 60 аlожьыгъах. Ащ лэжьыгъэ тонн мин 280 къырахыжьыгъ ыкlи гурытымкlэ зы гектарым центнер 47,9 къеты. Бжыхьэсэ хьэм иlожьын республикэм имэкъумэщышlэхэм аухыгъах.
"lоныгъом ижъотыпl, ар зэрэлъыкlуатэрэ шlыкlэм гугъапlэ къеты лэжьыгъэ lухыжьыныр псынкlэу аухынэу. Ом изытет дэгъу, лэжьыгъэр чlамынэным пае игъом lоныгъор аухынымкlэ чlыгулэжьхэм адеlэгъэн фай. Мыгъэ лэжьыгъэшlу къахьыжьыным тыщэгугъы. Ащ ишlуагъэкlэ бюджетым хэхъощт къодыеп, ежь чlыгулэжьхэм яфедэ нахьыбэ хъущт, къоджэдэсхэм ящыlакlэ ащ нахьышlу ышlыщт", - lоныгъом изытет къызеплъыхьэм ыуж къыlуагъ Адыгэ Республикэм илlшъхьэу къумпlыл Мурат.
Къызхэтхыгъэр: Адыгэ Республикэм илlышъхьэ ифейсбук нэкlубгъу
Comments
Post a Comment