Терроризмэм пэшlуекlорэ lофтхьабзэу быслъымэн нэбгыритф зыщаукlыгъэм быслъымэнхэм гумэкlыгъохэр къахилъхьагъэх, къыщаlуагъ непэ Къэбэртэе-Бэлъкъарым имуфтият ыкlи шъыпкъагъэ хэлъэу мы хъугъэ-шlагъэр зэхафыным къыфэджагъ.
"Кавказский узел" къызэритырэмкlэ, бэдзэогъум и 3 Налщыч, етlанэ Бэхъсан терроризмэм пэшlуекlорэ lофтхьабзэр къыщаlопщыгъ. Терроризмэм пэшlуекlогъэнымкlэ комитетым къызэриlуагъэмкlэ, мы lофтхьабзэм илъэхъан Налщыч ыкlи псэупlэу Баксаненок иlэгъо-благъохэм зэуакIо нэбгыри 5 щаукlыгъ.
Быслъымэнхэм ядин гъэlорышlапlэ къызэрэхигъэщыгъэмкlэ, республикэм ибыслъымэнхэм гумэкlыгъо ащ къахилъхьагъ. Шъыпкъагъэ хэлъэу зэхафыным фэшl мы lофым лъыплъэнхэу Къэбэртэе-Бэлъкъарым ипащэу Кlокlо Казбек ыкlи республикэм ипрокурорэу Николай Хабаровым динлэжьхэм зафагъэзагъ.
ЗэуакIоу аукlыгъэу зыфаlогъэ нэбгыритфыр мы lофтхьабзэм ыпэ Налщыч щатыгъугъагъэх, къаlотагъ ащ щыгъуазэхэм. lофтхьабзэр къэугупшысыгъэу щытыгъ, енэгуе журналистэу Надежда Кеворкова, - джащ фэдэу "Кавказский узел"-м къетхы.
Comments
Post a Comment