Лъэныкъо пстэумкlи зэдэлэжьэныгъэм фэгъэхьыгъэ зэзэгъыныгъэм Къэбэртэе-Бэлъкъарым илlышъхьэу Кlокlо Казбек Санкт-Петербург иправительствэ дыкlэтхагъ.
2021-2026 илъэсхэм зэдэлэжьэнхэм пае агъэнафэхэрэм Къэбэртэе-Бэлъкъарым илlышъхьэу Кlокlо Казбекрэ Санкт-Петербург игубернаторэу Александр Бегловымрэ кlэтхагъэх. Зэпхыныгъэм къыхеубытэх сатыур, экономикэр, культурэр, социальнэ lофыгъохэр.
"Экономикэмкlэ ыкlи культурэмкlэ Урысые Федерацием икъэлэ анахь шъхьаlэхэм Санкт-Петербург яз. Тихъызмэтшlапlэхэм занкlэу зэпхыныгъэ яlэнэу мы зэзэгъыныгъэм ишlуагъэкlэ дгъэпсын тлъэкlыщт. Санкт-Петербург щыщ сатыушlэхэмрэ бизнесым пылъхэмрэ яинвестициехэр зекlоным, зыгъэпсэфыным, мэкъумэщым къыдэгъэкlыжьыным халъхьаным пае амалышlухэр афэдгъэпсын тлъэкlыщт", - къыхигъэщыгъ Кlокlо Казбек.
Шъугу къэдгъэкlыжьын, зэдэлэжьэнхэм пае зэзэгъыныгъэм Къэбэртэе-Бэлъкъарымрэ Санкт-Петербургрэ 2015 илъэсым кlэтхэгъагъэх. 2020 ар агъэкlэжьыгъ.
Comments
Post a Comment