Фото: ryfabgo
Адыгэ хьалыжъом имафэ япшlэнэрэу Сырыф псыкъефэххэм адэжь щызэхащагъ. 2011 илъэсым апэрэу ар ашlыгъагъ ыкlи гъэ къэс ханэ имыlэу зэхащэщтыгъ. Ау блэкIыгъэ илъэсым пандемием пае зэпыугъо фэхъугъ.
Адыгэ хьалыжъом, адыгэ къужъым ыкlи адыгэ къэбым ямафэхэр хабзэ хъугъэу Сырыф псыкъефэххэм адэжь щызэхащэх. Зекlоным епхыгъэ мафэхэм Урысыемкlэ ащыщ хъугъэх. Мыхэм язэхэщэн зигукъэкlэу ыкlи илъэс къэс зышlыщтыгъэхэр Бибэ Мурат. Ау гъэрекlо ащ идунай ыхъожьыгъ ыкlи иунагъорэ иныбджэгъухэмрэ ригъэжьагъэ lофыр джы лъагъэкlуатэ.
Хабзэ зэрэхъугъэу адыгэ хьалыжъом имафэ республикэм ирайонхэм къарыкlыгъэ бысымгуащэхэр щызэнэкъокъугъэх. Зэкlэмкlи нэбгырэ 23 хьалыжъо гъэжъэным хэлэжьагъ. Анахь хьалыжъо lэшlу зышlыгъэхэр жюрим хихыгъэх. "Нанэ ихьалыжъу", "бысымгуащэм ихьалыжъу", "къэзгъэзэжьыгъэ хьалыжъу" ыкlи "мэфэкl хьалыжъу" - мы лъэныкъохэмкlэ бысымгуащэхэр зэнэкъокъугъэх.
Comments
Post a Comment