Къэбэртэе-Бэлъкъар Республикэм ипащэу Кlокlо Казбек журналистхэм зэдэгущыlэгъу адишlыгъ ыкlи ащ илъэхъан зекlоным ихэхъоныгъэхэм япхыгъэ lофхэми игугъу ашlыгъ.
Республикэм илlышъхьэ къызэриlуагъэмкlэ, хабзэмрэ бизнесымрэ язэдэлэжьэныгъэ ишlуагъэкlэ зекlоным ылъэныкъокlэ фэlо-фашlэхэр нахьышlу хъущт.
Гущыlэм пае, "Голубые озера" зыфиlорэм щашlырэ проектыр.
"Фэдэ проектхэр Чегем ыкlи Черек ятlуакlэхэм ащытшlыным теплъы, сыда пlомэ игъэкlотыгъэу зекlоным хэхъоныгъэ зэришlыщтыр дгъэнэфагъэ. Нылщыч амалышlухэр иlэх, ау ахэр непэ дгъэфедэхэрэп. Ащ паекlи проектхэр щыlэх ыкlи ахэр дгъэцакlэхэмэ зыгъэпсэфакlохэр зыщыпсэущтхэ чlыпlэхэм ахэхъощт.
Полиграфиемкlэ комбинатэу щытыгъэм хьакlэщ щагъэпсыщт. Зыгъэпсэфыпlэщтыгъэу "Маяк" инвесторхэм мылъку халъхьагъ, чlыгу ащэфыгъ, кlэлэцlыкlухэм языгъэпсэфын пае проект агъэцакlэ.
Ащ фэдэ проектэу Налщычкlэ 10 фэдиз тшlыщт - ахэр гъэпсэфыпlэх ыкlи хьакlэщых. Зыгъэпсэфыпlэу "Чегем" нэс гъогу тшlыным тыдэлажьэ.
Непэрэ шапхъэхэм адиштэрэ псэуалъэхэр зышlыщт инвесторхэм талъэхъу", - къыlуагъ Кlокlо Казбек.
Comments
Post a Comment