Къалэу Мараш игъэlорышlапlэрэ Кахраманмараш культурэмкlэ и Кавказ ассоциациерэ зэгъусэу къуаджэу Гёксун-Фындык адыгэ лъэпкъ гъэкlодым пае саугъэт щашlыгъ, Шlэжь паркэу адыгэ чlыгу ифыным фэгъэхьыгъэр хэтэу.
2021 илъэсым мэкъуогъум и 5 сыхьатыр 11 ар къызэlуахыщт.
"Цlыфхэр бэу къекlолlэнхэу ыкlи пандемием ишапхъэхэм атетэу тшlынэу сыщэгугъы, - къетхы къэбарыр Iderey Ismail Özdemir. - Мыщ фэдэ паркхэм фэдэ саугъэтхэр ащыбгъэуцунхэм мэхьанэ иl".
«Саугъэтхэм яшlын зиlахь хэзылъхьагъэхэм тафэраз, - къетхы ащ къыкlэлъыкlоу. - Ау къуаджэу Гёксун-Фындык мы саугъэтыр щызышlыгъэхэм шlукlэ ясlон слъэкlыщтэп... Итеплъэ-гъэпсыкlэ щыкlагъэхэр иlэх ыкlи дэеу къэлъагъо"...
Къэбарыр зытхырэм ишlошlкlэ ыгу рихьын закъоу ащ хэтыр тетхагъэр ары : "Адыгэ лъэпкъ гъэкlод 1864 илъэс жъоныгъуакlэм и 21" ыкlи "Къокlыпlэ саугъэтэу" джабгъумкlэ ычlэгърэ къуапэм щыlэр.
Iderey Ismail Özdemir зэрилъытэрэмкlэ, тапэкIэ саугъэт ашlын зыхъукlэ зэнэкъокъу зэхащэзэ, ар зыфэдэщтыр хахын фай.
Comments
Post a Comment