"Культурэмкlэ ыкlи зекlонымкlэ Урысыем ибренд 1000" зыфиlорэ зэнэкъокъум зэфэхьысыжьхэр фашlыгъ. Адыгеир зэнэкъокъум хэлэжьагъ ыкlи бренд 13 къыгъэлъэгъуагъ. Республикэм ишlэныгъэлэжьхэм ахэр хахыгъэх ыкlи Адыгеим икультурэ инэпэеплъэу щытых.
Урысыем ишъолъыр 77 къагъэлъэгъуагъэм щыщэу бренд 336 зэнэкъокъум щыхахыгъ. Ахэм ащыщэу 8 Адыгэ Республикэм иех:
Хьалыжъу (Шхыныгъохэр),
Адыгеим иисп унэхэр (Чlыопсыр),
Лъэгъонакъэ (Чlыопсыр),
Адыгэ (черкес) къашъохэр (Шэн-хабзэхэр ыкlи lэшlагъэхэр),
Адыгэ дышъэшlыныр (Шэн-хабзэхэр ыкlи lэшlагъэхэр),
Адыгэхэм ядышъэидэ (Шэн-хабзэхэр ыкlи lэшlагъэхэр),
Цыер (Шэн-хабзэхэр ыкlи lэшlагъэхэр),
Шыкlэпщын (Шэн-хабзэхэр ыкlи lэшlагъэхэр),
"Адыгеир чlыпlэ хьэламэт, чlыопсым изакъоп, тарихъымкlи, культурэмкlи, ицlыф lофшlакlохэмкlи бай. Культурэмкlэ ыкlи зекlонымкlэ Урысыем ибрендхэм Адыгеим иехэри къатефэ шъыпкъэу ащыщ зэрэхъугъэхэр сигуап. Титарихъ ыкlи тикультурэ якlэнхэр тыухъумэнхэм ыкlи ахэдгъэхъонэм мэхьанэ ин иl, - къыхигъэщыгъ Адыгеим илlышъхьэ.
Comments
Post a Comment