Адыгэ Республикэмкlэ къушъхьэтхэу Лэгъонакъэ 2024 илъэсым икlэух нэс къушхъэ эко-зыгъэпсэфыпlэ щашlынэу агъэнафэ. Экономикэмкlэ дунэе форумэу Санкт-Петербург щыкlорэм ащ фэдэ зэзэгъыныгъэ щашlыгъ. Мысатыу lахьзэхэлъ зэхахьэу "Красная поляна" ипащэу Андрей Круковскэмрэ республикэм илlышъхьэу Къумпlыл Муратрэ ащ кlэтхагъэх.
Зэрагъэнафэрэмкlэ, къушхьэ пцыкъэ гъогу км 36 ыкlи хьакlэщ чlыпlэ мини 3 иlэщт. Илъэс къэс нэбгырэ миллион ныкъом кlахьэу зыщагъэпсэфын алъэкlыщт.
Бюджетым щымыщ инвестициеу агъэнафэрэм ибагъэ сомэ млрд 23. Илъэсым федэу къытыжьыщтыр сомэ млрд 3,5 фэдизыщт. Республикэм ибюджет зэхэт ифедэ сомэ млн 400 хэхъощт, ащ епхыгъэ экономикэ лъэныкъохэм джыри миллиард ныкъо фэдиз федэу къахьыщт. Зэкlэмкlи lофшlэпlэ чlыпlэ мини 2 агъэпсыщт.
Comments
Post a Comment