Корона вирус узэр зэрэщыIэм къыхэкIэу мы аужьырэ илъэсым IэкIыбым щыщ хьакIэхэр (туристхэр) Израил ит Адыгэ къуаджэу Кфар-Кама къэкIонхэ алъэкIыгъэп, ау, мы аужьырэ мазэхэм узыр нахь макIэу зэрэхъугъэм пае, мыгъэ, IэкIыбым щыщ апэрэ турист куп мэкъуогъум и 4-м къуаджэм къэкIогъагъэх.
А ныбжьыкIэ хьакIэхэр (туристхэр) Америкэ ихэрэм щыIэ хэгъэгухэм ащыпсэурэ Джуртхэм ащыщых. Ахэр Израил зэрагъэлъэгъунэу къэкIуагъэх ыкIи ащ дыхэтэу Кфар-Ками къеблэгъагъэх.
ХьакIэхэм Кфар-Кама агу рихьагъ ыкIи ащ Адыгэу щыпсэухэрэм ялъэпкъ ихъышъэ, икъулътурэ ыкIи ищэн хабзэхэр ашIогъэшIэгъонэу нэIуасэ афэхъугъэх. Джащ фэдэу Адыгэ щхынхэми хагъэIагъэх ыкIи Адыгэ джэгуи арагъэлъэгъугъ.
КъэIогъэн фае, Израил хэгъэгум иIэпыIэгъукIэ Кфар-Кама дахэу зэрагъэфэжьыгъ, иурам жъыхэр агъэкIэжьыгъэх милион шекел пчъагъэхэр атефэу. Ащ дакIэу къэралыгъом иIэпыIэгъукIэ къуаджэм туристхэр къэкIонэу рекламэхэр къафишIыгъ. Непэ, туристэу къакIохэрэм апае къуаджэм музеим 2 дэт, зэфэшъхьаф щхапIэхэр, дучанхэр дэтых. Къуаджэм Адыгэу дэсыр мини 4-м еблагъэ.
Къызхэтхыгъэр: facebook
Comments
Post a Comment