Мэкъуогъум и 11 - 14 шыхэм ядунэе къэгъэлъэгъонэу "Иппосфера 2021" Санкт-Петербург щыкlощт. Мыр Урысыемкlэ шыхэм анахь якъэгъэлъэгъон ин.
"Шыу Хасэм" хэтхэр ыкlи ансамблэу "Абреки" ащ хэлэжьэщтых, адыгэшхэр щагъэлъэгъощтых. Шыхэри, шыухэри джырэкlэ гъогу тетых. Дунэе къэгъэлъэгъоныр мэкъуогъум и 11 къызэlуахыщт. Адыгэ шыхэм ягъэлъэгъонэу "Щагъдый ижъогъобын" мафэ къэс щыlэщт. Джащ фэдэу Адыгэ Республикэм икультурэ мыщ щагъэлъэгъощт. Аш пае хэушъхьафыкlыгъэу чlыпlэ яlэщт, ансамблэу "Абреки" ащ дэжь къыщышъощт.
Шъугу къэдгъэкlыжьын, шыхэм ядунэе къэгъэлъэгъонэу Санкт-Петербург щыкlорэм адыгэ шыхэр ящэнэрэу хэлэжьэщтых. Гъэрекlо пандемием ыпкъ къикlэу ар щыlагъэп. Ау 2019 илъэсым адыгэшым Урысыемкlэ ятфэнэрэ чlыпlэр ыубытыгъагъ.
Адыгэ Республикэм иобщественнэ зэхахьэу "Адыгэ Хасэ - Черкесский Парламент" ыкlи республикэм иправительствэ арых адыгэ шыухэр мы къэгъэлъэгъон иным зыгъакlохэрэр.
Comments
Post a Comment