США (Америкэ) исенат дунэе lофхэмкlэ икомитет ипащэу Боб Менендес, джащ фэдэу ащ иlофшlэгъоу Англием, Германием, Латвием, Литва, Польшэм, Чехием ащыlэхэр къухьэлъатэу Ryanair Минск елбэтэу щытlысынэу зэрэхъугъэм фэгъэхьыгъэу къэгущыlагъэх, Беларуссием ышъхьагъ къухьэлъатэхэр щамыгъэбыбынхэу ищыкlагъэу къаlуагъ.
Менендес ипресс-къулыкъу къыхиутыгъэ тхыгъэм къызэрэщиlорэмкlэ, цlыфхэр ошъогумкlэ зещэгъэнхэмкlэ дунэе зэхахьэм зыфегъазэ лъэтемытэу хъугъэ-шlагъэр зэхафынэу.
Республикэу Беларусь ышъхьагъи, ежь хэгъэгум быбырэ ыкlи къибыбыкlэрэ къухьэлъатэхэри зэпагъэунхэу, цlыфхэм язещэн авиациекlэ дунэе зэхахьэм Беларуссиер зэрэхэтыри къызэтырагъэуцонэу хэбзэиухъухьэхэр къыфэджагъэх.
Беларусием паекlэ санкциехэр ашlынхэу НАТО ыкlи Евросоюзым ахэхьэрэ къэралыгъохэм игъоу афалъэгъугъ, къеты РИА Новости.
Къухьэлъатэу Ryanair ыкlоцl къаорэ пкъыгъо илъэу къызаlопщым ыуж Минск иаэропорт жъоныгъуакlэм и 23 ар елбэтэу къыщытlысыгъ. Къэбарыр нэпцlэу къычlэкlыгъ. Оппозицием щыlэ Telegram-каналэу Nexta изэхэщакlоу Роман Протасевич къухьэлъатэм исыгъ. Нэужым тхылъхэр ауплъэкlухэ зэхъум ар аубытыгъ.
Comments
Post a Comment