Псы ичъыжьыпlэм зэрэкlэчъыгъэм пае Тlуапсэ дэжь хым чlыдагъэр хэлъэдагъ. Районым иадминистрацие ипресс-къулыкъу ар къыщаlопщыгъ.
"Хы чlэгъ уплъэкlунхэм ялъэхъан псы ичъыжьыпlэр кууоу зыщычlэлъым чlыпlитlумэ макlэу чlыдагъэр къакlэчъыгъэу къыхагъэщыгъ", - къыщеlо къэбарым.
Администрацием къызэритырэмкlэ, ыпэрапшlэу зы бжьыгъэ къыхагъэщыгъ, ащ сорбент тыратакъуи хагъэкlыжьыгъ. Нэпкъым метрэ 790 пэкlыжьэу чlыдагъэ зыхэлъ псышъо джыри щызэбгырычъыгъэу агъэунэфагъ, къеты пресс-къулыкъум.
"Сыхьатыр 15:20 ехъулlэу дэгъэ бжьыгъэхэр зэкlэ агъэкlодыжьыгъэх", - Краснодар краим ошlэ-дэмышlэ lофхэмкlэ игъэlорышlапlэ ипресс-къулыкъу ащ фэдэу РБК къыриlуагъ. Мы къулыкъум къызэритырэмкlэ, чlыдэгъэ бжьыгъэхэм яукъэбзыжьын, хэу ащ зэлъиубытыгъэр ыкlи нэпкъыр сорбенткlэ хэгъэкlыжьыгъэным нэбгырэ 75 ыкlи техникэ 22 къыращэлlэгъагъ.
Comments
Post a Comment