Краснодар шъолъырэр, Адыгэ Республикэр, Ставрополь шъолъырэр, Къэбэртэе-Бэлъкъар Республикэр ыкlи Республикэу Темыр Осетиер - Аланиер мэшlоку псынкlэм зы гъогууанэкlэ зэрипхыщтых.
Жъоныгъуакlэм и 1 сыхьатыр 8:00 мэшlокоу "Ласточка" № 831/832 Владикавказ (Темыр Осетиер) икlыщт ыкlи Тlуапсэ (Хы Шlуцlэр) сыхьатыр 17.23 нэсыщт. Нэужым зэпэмыпчъ мафэхэм мы гъогуанэм тетыщт, пчэдыжьырэ 05.50 Владикавказ дэкlызэ ышlыщт, Тlуапсэ 15.56 нэсыщт. Жъоныгъуакlэм и 2 мэшlокум ыгъэзэжьыщт ыкlи гъогоу Тlуапсэ - Владикавказ зэпэпчъ мафэхэм рыкlощт. Сыхьатыр 11.42 Тlуапсэ дэкlыщт, пчыхьэм 21.25 Владикавказ нэсыжьыщт.
Темыр Кавказым имэшlоку гъогухэм япресс-къулыкъу къызэритырэмкlэ, мэшlоку уцупlэхэу Беслан, Муртазово, Котляревская, Прохладная, Аполлонская, Георгиевск, Минеральные Воды, Невинномысская, Армавир, Курганная, Гиагинская, Белореченская, Хадыженская къащыуцущт.
Comments
Post a Comment