Адыгэ Республикэм икъушъхьэ чlыпlэхэм ошъу ащыlагъ. Псэупlэхэу Дахъомрэ Хъымыщкlэйрэ анахьэу ошъур ащыиныгъ ыкlи ащылъэшыгъ. Мыекъопэ районым ипащэу Олег Топоровым иунашъокlэ Дахъом икъоджэ псэупlэ иlофшlэхэм ащ изэрар зыфэдизыр агъэунэфы.
Къызэратырэмкlэ, джыри къэблэгъэрэ чэщ-зымафэм Адыгеим ичlыпlэ зэфэшъхьафхэм ошъу, шыблэ ыкlи жьыбгъэшхо зыхэт ощх къащещхыщт. Жьыбгъэм илъэшыгъэ зы нэгъэупlэпlэгъум метрэ 20 - 23 нэсыщт.
Ошlэ-дэмышlэ lофхэмкlэ Адыгэ Республикэм игъэlорышlапlэ цlыфхэр сакъынхэм къыфаджэ. Ощх, ошъу, жьыбгъэшхо зыхъурэм амал иlэу урамым темытынхэу, машинэ гъэуцупlэми щысакъынхэу, электроэнергие кlуапlэхэм, чъыгхэм, рекламэр зытет гъучl-пхъэмбгъу-апч зэхэтхэм апэчыжьэ зашlынэу зафагъазэ.
Ошlэ-дэмышlэ lоф къэхъумэ узытеощтыр:
«01» — къэгъэнэжьын зэикl телефон
«101» — сотовэ телефонкlэ
8 (8772) 56-80-78 — ошlэ-дэмышlэ lофхэмкlэ Адыгэ Республикэм игъэlорышlапlэ ицыхьэшl
телефон.
Comments
Post a Comment